Centurion Munisipaliteit
Inligting moontlik verouderd weens samesmelting in Tshwane

Samestelling
Organisasiestruktuur
Belangrikste Dienste
Ambulans- en Brandweerdienste
Burgerlike Beskerming
Elektrisiteit
Water- en Riooldienste
Begraafdienste
Biblioteekdienste
Diere
Gesondheidsdienste
Ontspanningsgeriewe
Meer by Centurionsentrum
Musikale Spuitfontein
Zwartkopnatuurreservaat
Hennopsrivierwandelroete
Rooihuiskraal Historiese Terrein

Samestelling

Die ou Centurion Munisipaliteit het bestaan uit 12 verkose wyksraadslede en agt lede wat op proporsionele grondslag verkies is. Hierdie struktuur is nou opgeneem in die Tshwane Metropolitaanse Raad wat op 5 Desember 2000 tot stand gekom het. Hiervolgens word Centurion deur agt wyksraadslede verteenwoordig, asook 'n aantal raadslede wat op proporsionele grondslag aangewys is.

Organisasiestruktuur

Die plaaslike bestuurstruktuur of munisipaliteit funksioneer in 14 departemente wat elkeen gelei word deur bekwame en goed opgeleide beamptes. Alle dienste word deur die struktuur gelewer

Telefoon:  671-7211 (skakelbord)

Belangrikste Dienste

Die nooddienste word eerste vertoon en ander dienste laer af.

Ambulans- en Brandweerdiense

24 uur per dag beskikbaar

Telefoonnommers:
Nood: 664-5555/6
Ander: 671-7500 /  671-7375

Burgerlike Beskerming

Hierdie funksie berus by die munisipaliteit. Dit is 'n bystandsdiens wat burgerlike ontwrigting tydens natuurrampe en vyandelike optrede moet bekamp. Die diens bied verskeie kursusse aan vir die publiek, onder meer noodhulp, brandbestryding en veiligheidsmaatreëls.

Telefoon: 671-7515

Elektrisiteit

Die munisipaliteit versprei elektrisiteit wat deur Eskom voorsien word, aan meer as 16700 wonings en 300 nywerhede deur 132 kV en 11kV netwerke.

Die elektrisitetsbeheerkamer word tussen 06:00 en 22:00 beman deur een persoon wat onderbrekings deur afstandbeheerde toerusting kan probeer herstel. Tydens groot onderbrekings word die noodtelefone gekoppel aan 'n antwoordmasjien om die beampte in staat te stel om die foute te probeer herstel of die herstelwerk te koördineer. Wanneer die beheerkamer nie beman word nie, word die oproepe deur 'n radiobeheerstelsel deurgeskakel na die elektrisiën aan diens herlei.

Telefoonnommers:
Navrae: 671-7540
Nood: 671-7540/1/2
Straatligte: 671-7540 671-7536

Water- en Riooldienste

Die munisipaliteit behartig die verspreiding van water aan die inwoners, asook die verwydering van rioolafval en die verwerking daarvan.

Telefoonommers:
Kantoorure: 671-7433
Na-ure: 671-7211

Begraafdienste

Die munisipaliteit bedryf drie begraafplase by Olievenhoutbosch, Laudium en net noord-oos van Centurionsentrum. Die OWB ere-akker is bespreek vir die Bond van Oud-Geïnterneerdes, die helde-akker vir persone wat gesterf in operasionele diens vir die land se veiligheid en die ere-akker is vir burgemeesters en raadslede wat 'n diens aan die gemeenskap van Centurion gelewer het.

Telefoonnommers:
Muur van Herinnering: 327-4714
Tuin van Herinnering: 671-7676
Besprekings: 671-7676

Biblioteekdienste
 

Diere

Die dienste insake rondloperdiere, verwaarloosde diere of diere sonder eienaars word deur die Dierebeskermingsvereniging namens die munisipaliteit gelewer. Die DBV het ook inligting oor diereklinieke in die gebied.

Hondelisensies word ook deur die DBV geadministreer namens die munisipaliteit en hierdie lisensies is betaalbaar by die DBV.

Telefoon: 664-5644

Dooie diere word deur die Departement Gesondheidsdienste se reinigingsafdeling verwyder. Indien dooie diere van private eiendom verwyder moet word, is 'n fooi betaalbaar.

Telefoon: 671-7295

Gesondheidsdienste

Gesondheid- en voorkomingsdienste is een van die belangrikste dienste wat deur 'n plaaslike owerheid gelewer moet word. Die Munisipaliteit verskaf gewone kliniekdienste, asook 'n geriatriese kliniek waar gereelde ondersoeke uitgevoer en medikasie verskaf word.

Die Gesondheidsdepartement behartig ook omgewingshigiëne. Dit sluit in vuillisverwydering en inspeksie van persele waar voedsel voorberei en verkoop word.

Telefoon: 671-7280

Ontspanningsgeriewe

Die Munisipaliteit beheer en bestuur 'n aantal ontspanningeriewe vir die inwoners van Centurion.
 

Zwartkopnatuurreservaat

Die natuurreservaat is geleë aan die oewer van die Hennopsrivier in die Zwartkop-omgewing. Die terrein is boomryk met standhoudende waterbronne en 'n interessante reliëf.

Talle voëlsoorte kom in die reservaat voor terwyl verskeie wildsoorte reeds hervestig is in die reservaat. Dit sluit onder meer in blesbokke, rooihartbeeste, springbokke, rooibokke, sebras en volstruise. Die plante in die reservaat word uitgeken en gemerk en die besoeker kan die talle wandelpaadjies gebruik.

'n Lapa met braaigeriewe is ontwikkel en kan gehuur word vir funksies.

Telefoon: 671-7676

Hennopsrivierwandelroete

Besoekers kan die 13 kilometer tussen Supersport Centurion en Zwartkop-natuurreservaat stap langs die wandelroete. Dit neem ongeveer 5 uur om hierdie roete te stap.

Besoekers moet bedag wees op wisselende weersgesteldhede, veral in die somer wanneer donderstorms in die middag kan voorkom.

Telefoon: 671-7676

Bronne

Die volgende bronne word met dank erken:

• Centurion Stadsraad Dienstegids
• Stad Tshwane inligtingsblaadjie (strooibiljet) oor nuwe kliëntedienssentrums