Centurion beskik oor ‘n snelgroeiende en aktiewe besigheidsgemeenskap. Die plaaslike sakekamer (Centurion Sakekamer) is reeds drie jaar agtereenvolgens aangewys as die AHI se beste sakekamer, die eerste twee jaar in die kategorie vir klein sakekamers en die laaste keer as medewenner in die ope afdeling.

Hierdie bladsy bevat oorsigtelike inligting oor die volgende aspekte van besigheid in Centurion:

• Centurion Sakekamer
• Centurion Besigheidondersteuningsentrum (Cenbis)

Meer inligting kan as volg verkry word:

• Gidse met inligting oor besighede in Centurion en ekonomiese data (statistiek) kan verkry kan word op CenturioNet se susterwebwerf BesigheidCenturion. Besighede wat op die Internet wil bemark, kan ook hulle besonderhede in die gids laat opneem.
• Vir agtergrond oor Centurion se groei en beleggingspotensiaal, besoek Belegging. Meer inligting oor groei, ander statistiek en besigheidsgeleenthede is beskikbaar op BesigheidCenturion.
• Vir ander Webwerwe met inligting oor besighede in Centurion, gaan na ons skakels.

.

Doelwit

Die doelwit van CENBIS is om 'n welvarende sakegemeenskap tot voordeel van die inwoners van Centurion te help ontwikkel deur aan die kleinsakegemeenskap maklike toegang te verleen tot alle beskikbare en toepaslike inligting- en ondersteuningsdienste ter bevordering van gesonde kompetisie in die sakegemeenskap.

Waardestelsel

Cenbis se waardestelsel is gegrond op die volgende beginsels:

• Gesonde sakepraktyk
• Gesonde sakebeginsels
• Inklusiwiteit van die totale gemeenskap, en
• Volle deelname deur die gemeenskap

Dienste

Onder sy primêre dienste tel:

• Kredietwaaarborge en finansiële ondersteuningsdienste
• Hulp met voltooiing van aansoeke om finansiële en kredietwaarborgskemas
• Opstel van besigheidsplanne
• Opleiding in bestuurs- en sakevernuf
• Sakekonsultasies en mentorskapprogramme
• Nywerheids- en tegnologiese advies.
• Ekonomiese en lewensvatbaarheidstudies.
• Regshulp, boekhou- en rekeningkundige dienste.
• Beleggingsadvies.
• Uitvoerbevordering en marknavorsing.
• Bystand aan kleinsake met staatstenderprosedures.
• Omvattende naslaanbiblioteek vir sake-ondernemings.
• Bystand met groei- en uitbreidingsplanne.
• "Business Referral and Information Network (BRAIN)"

Kontakbesonderhede

Vir meer inligting oor Cenbis:

Telefoon: +27 (012) 664-7275
Faks: +27 (012) 664-4696

Die kantoor is geleë aan die oostekant van die biblioteekkompleks op die hoek van Cantonnementsweg en Unielaan in Lyttelton.

Bronne

Die volgende bronne word met dank erken:

• Centurion Stadsraad Dienstegids
• SA Raad vir Sakevroue